死鬥!超份量沾麵!風雲丸大胃王挑戰賽!

以沽麵聞名的風雲丸我久不久都去,本身飽肚大份量都出名,半肥肉更是一代名物,2021年夏天發起的大胃王挑戰賽更是一口氣要吃下1200g份量的【肉盛富士山沾麵】,平常約300g一碗已經叫大碗特盛,如今等於一次過要食足四份,限時20分鐘,你都咪話無壓力,但心想勝利後可以威威,又覺得自己減肥小成大把空間,於是……便戰吧。

勝了就有獎品又可以威威又可以免費,輸了,就等於吃了碗貴點大碗點的沾麵,眼見都不少對自己食量信心的朋友有興趣。

注意:活動,價格和產品資料只供參考,一切以有關品牌為準。

挑戰前要簽番份文件(笑),唔洗驚,唔係好嚴重既事,免責聲明同規則,建議都睇睇。要食晒麵食晒料同飲埋湯,咪話唔大壓力。

睇相已經覺得勁堅,點知,實物真係嘩一聲,實物,無信心都值得欣賞下,山咁高既拉麵同菜,配合四巨舊肥瘦肉,兩大隻蛋,再加一大碗重口味沾汁,見到個心都離一離。

我的戰術係一開波先打大佬,掃晒四大件肥肉同蛋,過程都順利,但去到中段麵吃了三成之後,肥肉的餘韻就升上來,將我打敗,最後削爆收檔,餘下了約六成麵條,宣告陣亡(掩面)。

期間限定,加上有人邀約,都應戰一下,挑挑下機之際,竟然巧遇相識的年輕人兼本家讀者B君和朋友去挑戰?

年輕人們頭段勇猛,可惜最後一程還是頂唔順,剩兩件肥肉戰敗。係幾好玩既,特別係有識既人或者其他挑戰者一齊交流的話,氣氛更佳,十分過癮。如果唔想浪費食物,食唔完,店員可以安排打包,當然,挑戰者自己想唔想,係另一回事。

最後頭盔,資料只供參考,活動條款與細則等以有關品牌為準。

活動資料如下:
地址:九龍尖沙咀麼地道30號MODY HOUSE地下
日期:2021年7月23日至8月15日 (逢周五至周日)
時間:下午三時至六時
地點:風雲丸
每日名額:10位 (先到先得, 不設預留)

One thought on “死鬥!超份量沾麵!風雲丸大胃王挑戰賽!

  • 2021 年 7 月 31 日 at 3:18 上午
    Permalink

    好鬼吸引⋯⋯我好耐冇食過沾麵

    Reply

發佈留言

發佈留言必須填寫的電子郵件地址不會公開。 必填欄位標示為 *