數據自肥: ERROR四子,邊個最熱?193爆紅唔止因為串嘴!

ERROR有幾紅?由老前輩都要借佢地吸人氣,各大平台猛出文吸LIKE,這些行為現像,已經可以感受到,市面比較興由IG粉數計熱度,不失為一種方法,更全面,更貼近外國(幾年前已流行)的先進做法,還是以網路監察系統為主軸,去比較一下四位成員的熱度,順便本家自肥一下,騙騙熱度。

ERROR既紅,已經去到傻既都知道,無討論空間,行文時,自肥的OP己經去到1.4M以上播放量,大家看文時,恐怕都已去到甚至突破1.5M了,其流傳之廣,大街小巷都偶爾見到人睇(係睇唔係播)的盛況,香港電視節目,有幾耐未見過?

今次以12May-18May的香港網路數據為參考,得出以下分析:

193 IG數上比其他成員多出甚多,IG數上,DEE GOR和肥仔較高,約14,15萬,保錡不足9萬,略低。

大家都開始唔理的其實還是網上大台的FB方面,DEE Gor有72k,193有45k,肥仔16k,保錡15k,後兩者意外地低,竟然只比本站高一些?當然,作為藝人形Page,外在Engagement自然比本家高上多倍。

用綜合熱度計,193網路總熱度上同樣強勁,突破53K,幾乎接近自肥計劃最初段的熱度,本周大台劇愛X家回勇,扮姜拉人氣,回到10K,但仍只有193單人的20%左右,真係知佢咩料…..

DEE GOR(上左)和保錡(上中)和肥仔(上右)都有30K左右,以個人來說,都是高熱度,三者嚴格來說是DEE GOR最強(約35K),保錡次之(豹34K),肥仔包尾(約32K),但數據差距很少,大抵可視為差不多熱門。

總合而言,193絕對是人氣王,在各網路平台上熱度都最出位,近日十萬LIKE爆的 Dee Gor 表現平均,位居第二,肥仔和保錡數值上相距不遠,但綜合比DEE有所差距,同列第三,保錡自身在IG和FB數字上雖然表面落後,但外部討論量不少,加上團隊效應,總熱度大抵維持在阿肥仔相約水平,甚至略有超過。

ERROR四子有個特式,就是他們真的有能力令系統ERROR,因為有關四子的評論有太多玩【講反話】,誠實又純真的AI很難搞懂,令情緒分析部份不準確,認真做的話,要用手動處理(想做死我?),這部份決定暫且不理。

至於爆升率方面,如果單純看IG粉絲,193的確在爆言之日之前的4月12日大幅提升,但觀看長期走勢,會發現他不能算是一次性爆紅,而是跟團隊一樣有拾級而上的節奏,反而他的真正近月聲量高點,是在自肥企劃預告開播之日播出後,約4月20日,那身凌波麗COSPLAY勁爆網路,比爆言之日,聲量還要高約20%,香港人習慣將事情做單一歸納,但原因,大多是複合的,爆紅一字末必太準確,事實上,193在爆言日前熱度也不算低,串嘴大大提升了193知名度,是事實,但他不單因為一句串嘴而爆紅,而之後再創高峰亦非單憑串嘴,憑印象猜想,跟數據,有時真係有差距。

本文最後,原本想拿四子跟某些藝人對比,都係唔寫住。總之,很多大品牌都有用類似甚至強上多倍的工具,我係哩度講得既,我係後台見到既,佢地只會知更多。

今次哩篇我留了一手,有關自肥,一個大家好想知又估到我會整的SP題目將會在FB PAGE那邊限定出現,Service Service!

最後頭盔,數據分析結果會因應使用工具,截取方法,個人設定,解讀方式而有出入,本文謹以個人經驗操作及評價,謹供大家參考,同時作為使用現代科技分析的入門引導。

最最後,喜歡本文的話,不介意請多分享給朋友,或者,起碼,Like下我地 PAGE: https://www.facebook.com/darkshadowzo 有關數據分析提案,問題,合作或各類意見,歡迎電郵: info@shadowzo.com

本次使用工具:

Facebook

Soda Insight

我個腦(燒唔少腦汁架)

最後最後最後,出番個個自家廣告,本站(www.shadowzo.com)為提供更佳體驗,沒有加入廣告Banner(最少暫時沒有),如果你想請我飲咖啡或者食飯,可以考慮用Payme。一按即 PayMe! https://payme.hsbc/shadowzo

發佈留言

發佈留言必須填寫的電子郵件地址不會公開。 必填欄位標示為 *