動漫‧人‧世 ─ 違規與正義、英雄與失業

美國英雄漫畫界的平民英雄「蜘蛛俠」(Spiderman)最近失業,成為報紙新聞。職業是攝影記者的彼得柏加(Peter Parker),因為「擅改相片」,有違新聞操守,終於丟了飯碗。「創作新聞」故然不對,但為了正義而創作新聞,又對不對?彼得這個選擇,突顯了他重視作為英雄的自己,多於作為凡人(職員)的自己,是對?是錯?相信可以成為本周好話題。

 

沒什麼祖蔭的蜘蛛俠一向生活困苦,因為叔叔的遺言,不遺餘力伸張正義,比起二世祖超人「蝙蝠俠」 等等不愁生活的英雄人物,更得廣大草根市面民愛戴,縱使生活逼人,他仍然沒有放棄行俠杖義,比一眾「唔憂柴米」的英雄更偉大。雖然有人質疑,彼得因為自身弱勢,才沈醉在蜘蛛俠的英雄夢,但看著幾部電影大收,動畫版拍了又拍,就知道普羅小市民對這個角色的代入和認同。

失去多年事業,作為一個人,絕對悲痛,在經濟環境惡劣之時,更容易令人消沉,加於內心的痛苦,絕不會比遭邪惡大反派痛擊少,絕對可想像彼得下「改相」決定時的矛盾和決心。蜘蛛俠的悲哀,在於他不能成為職業,當然,「行俠杖義」如果是職業,有守則,就會變成警察特別部隊,又是否跟彼得原意相同?如果正義跟法例或者其他人權益相抵,又當如何定奪?這是超級英雄電影逃不掉的命題,永遠的題材。

很多超級英雄看似正義的背後,實在是無法無天的唯我獨尊,所謂正義,還不是以英雄的一己判斷為依歸?我們可以嚮往英雄們的帥氣或者異能,可以被捨己為人的精神所感動,可以被祟高的理念所感召,但,對於英雄所作所為,還是應該用客觀標準去量度,對故事中英雄如是,對現實中英雄,更當如是。

參考閱讀:
明報 ─ 違新聞操守 蜘蛛俠被炒

26 thoughts on “動漫‧人‧世 ─ 違規與正義、英雄與失業

  • 2010 年 03 月 05 日 at 06:19
    Permalink

    曾多次幻想過自己有了特別能力, 但同時撫心自問, 當我得到這些能力的時候, 多數都只會為滿足自己的私慾而已, 可能這才是人性吧, 我從來都唔相信, 人之初, 生本善這個講法, 人, 係由野獸進化, 若果不是有法律/道德等枷鎖束縛, 根本同野獸無分別

    Reply
    • 2010 年 03 月 07 日 at 23:37
      Permalink

      私欲唔一定係錯,可以係好事,問題只係,大家都有私欲,邊個話事? 森林法則? 定係有更高層次追求?

      野獸好多時比人類善良,甚少在不必要的情況下傷害其他生命…

      Reply
  • 2010 年 03 月 05 日 at 07:53
    Permalink

    上面的留言是某間旅遊會騙案搞到上法庭的公司想利用關鍵字法令所有找那間公司資料的人都找來這篇不相干的文……

    Reply
    • 2010 年 03 月 07 日 at 23:38
      Permalink

      那個留言已刪,最近好多這類留言

      Reply
  • 2010 年 03 月 05 日 at 09:10
    Permalink

    當英雄所想的正義和世人所想不同,也不能叫其他人跟佢果套,佢都會做到灰晒,睇下有無人明白la

    我學校有個professor教書好正,帶比我好多靈感
    但佢final背書無用+workload重,D人都選另一班,搞到我果班差D唔夠人要cut班@_@

    Reply
    • 2010 年 03 月 07 日 at 23:40
      Permalink

      有理念而不容於世的人,世界上太多太多…你可以話係悲劇,亦可以話係佢地自身問題…(談起這個話題就傷心)

      Reply
  • 2010 年 03 月 05 日 at 09:37
    Permalink

    蜘蛛俠因為有着凡人的另一面,令佢睇起來更真實,亦係好多人個夢想.講開又講,好似蜘蛛俠特別多講英雄平凡的另一面(戀愛,事業,朋友,家庭)
    相對其他超級英雄,失業根本係小事,你睇下超人同batman俾人打到死嘅死,傷嘅傷最後都無事…..何況必要時大不了可以有tony stark(鐵甲人?)咁大個財團去接濟…….

    Reply
    • 2010 年 03 月 07 日 at 23:41
      Permalink

      PETER仔受好多凡人挫折,除了英雄一面外,佢係一個好凡的凡人,可能係咁先令佢深得好多讀者愛戴(同情?)

      Reply
  • 2010 年 03 月 05 日 at 10:48
    Permalink

    讀者 :
    曾多次幻想過自己有了特別能力, 但同時撫心自問, 當我得到這些能力的時候, 多數都只會為滿足自己的私慾而已, 可能這才是人性吧, 我從來都唔相信, 人之初, 生本善這個講法, 人, 係由野獸進化, 若果不是有法律/道德等枷鎖束縛, 根本同野獸無分別

    性本惡論?

    所謂的善係由細教大教出來的
    但都同一個人的本質有關
    一個書香世代的人都可以做壞事
    唔代表一個窮人唔可以做好事呢

    Reply
    • 2010 年 03 月 07 日 at 23:44
      Permalink

      其實,我都唔信性善,好多人食飽無憂米,梗係大大聲仁義道德咩風濕,到佢真係山窮水盡,都能夠大大聲仁義道德,先算…

      Reply
  • 2010 年 03 月 05 日 at 11:57
    Permalink

    peter仔可以轉邊行, 簡直是中年危機 =p

    Reply
    • 2010 年 03 月 07 日 at 23:48
      Permalink

      其實可以做特技人?但在CG時代,都係夕陽行業了…

      Reply
  • 2010 年 03 月 05 日 at 13:49
    Permalink

     回復[1]

    若有特別能力之後滿足私欲的話,我倒覺得不是什麼負面的事,第一,私欲不一定是犯罪;第二,就算你沒有特別能力,也會盡力去滿足私欲;第三,有私欲不代表沒原則,這點則是要看個人了。

     社會從來是這樣現實的,很多職務都是有能者居之,身處高位的人也都是因為有比較出眾的能力,而我不相信他們就沒有私欲—–高官為名,富商為利。社會從來就不是公平的了。

    Reply
    • 2010 年 03 月 07 日 at 23:50
      Permalink

      私欲其實都可以令社會進步,令其他人幸福,資本主義的繁榮就是這樣來的…

      問題不在私欲本身,而在人與人間衝突的平衝

      Reply
  • 2010 年 03 月 05 日 at 15:51
    Permalink

    超人片只看蜘蛛俠,因為有陰暗面,比較有人性
    可能其他超人都有,但真的沒看過

    Reply
    • 2010 年 03 月 07 日 at 23:51
      Permalink

      唔…老牌世界級美系英雄來說,蜘蛛俠應該是最平民的一個

      Reply
  • 2010 年 03 月 05 日 at 16:48
    Permalink

    蜘蛛俠可以學係天體戰士﹐失業咪咬老軟囉。

    Reply
    • 2010 年 03 月 07 日 at 23:53
      Permalink

      PETER仔唔係咁無骨氣…

      Reply
  • 2010 年 03 月 05 日 at 20:10
    Permalink

    英雄嘛…
    唉…

    順帶一提
    4月
    有套(kick-ass)上映(血腥)
    也是英雄電影
    港譯勁揪俠

    Reply
    • 2010 年 03 月 07 日 at 23:54
      Permalink

      哩套有睇介紹,好似幾得意…不過…3,4月是旺季…哎…

      Reply
  • 2010 年 03 月 06 日 at 18:47
    Permalink

    Neo :
    當英雄所想的正義和世人所想不同,也不能叫其他人跟佢果套,佢都會做到灰晒,睇下有無人明白la
    我學校有個professor教書好正,帶比我好多靈感但佢final背書無用+workload重,D人都選另一班,搞到我果班差D唔夠人要cut班@_@

    我絶對同意學習唔係為咗考試, 但……考試唔合格又點繼續學習呢?????????^^

    Reply
    • 2010 年 03 月 07 日 at 23:55
      Permalink

      這是現實規則與理念衝的優良示範(苦笑)

      Reply
  • 2010 年 03 月 06 日 at 20:59
    Permalink

    攝影記者成日俾人鬧到成隻狗咁,埋沒良心咁做野,無晒私人時間同自由,我係佢就開間影樓或賣蜘蛛俠獨家照片過日子。

    做攝記好難結婚,彼得柏加係最佳例子。

    Reply
    • 2010 年 03 月 07 日 at 23:58
      Permalink

      但我知道,有些攝記好搵到錢…哩個算等價交換吧?

      Reply
  • 2010 年 03 月 07 日 at 19:21
    Permalink

    其实彼得可以转去做私家侦探or狗仔,以他的能力绝对可以成为个中魁楚。

    Reply
    • 2010 年 03 月 08 日 at 00:00
      Permalink

      私家偵探OK的,做狗仔隊就唔係咁好了…話晒都係英雄人物…

      Reply

發佈留言

發佈留言必須填寫的電子郵件地址不會公開。